सपना पुरा भएर कहाँ एकदिनमा आउँछ।
धुवा होइन जो झुन्डिएर दलिनमा आउँछ।

हारिने छैन अहिलेका यन्त्र मानवहरू सँग
मान्छे जति क्षमता कहाँ मेसिनमा आउँछ।

आफू लुटिएर पनि आनन्द लुट्ने मान्छे हूँ 
लुट्नु भन्दा पनि आनन्द लुटिनमा आउँछ।

पक्कै केही न केही बाध्यता होला पानीको 
आकासमा पुगेपछि किन जमिनमा आउँछ।

भगवान खोज्न मन्दिर धाउनु पर्दैन जसरी 
चढ्नुपर्छ चुलीमा दुनियाँ अधीनमा आउँछ।

लाग्छ यस्ता सपना सजाएर पनि बस्नु हुन्न
कहाँ सपना पूरा भएर एक छिनमा आउँछ।
                    २०७८/१०/०३ महेन्द्रनगर